Lamha lamha dohraaye

yeh gum ka naya bahana hai
Do pal muskaakar murjhaya
yeh kaisa suman diwana hai

kuch pal baithu koi baat karu
jo chand zara khil jaaye toh
jee bhar dekhu har raat jagu
koi dost kabhi mil jaye toh.
Raat sakhi jeevan bhar ki
par dost ko ek din jana hai
Do pal muskaakar murjhaya
yeh kaisa suman diwana hai

mann pagla pal-pal ghabraaye
na bole kuch sunta jaaye
jane gehri kya baat chupi
jo chaahe par keh na paaye
Na samjhe kuch na chaahe kuch
khud hi mein ise samaana hai
Do pal muskaakar murjhaya
yeh kaisa suman diwana hai

har paath jale din-raat jale
par bhi andhiyara chhoote na
bhar bhar ojhal ho kar bhi kyun
naino ke baadal toote na
raah take har shaam na jane
kise yaha phir aana hai
Do pal muskaakar murjhaya
yeh kaisa suman diwana hai

na jane kis mod pe aakar
ye raah bawree suljhegi
kya jane fir koi nayi
manzil se jaakar uljhegi.
Mann chahe ab so wo kare
humko na ise samjhana hai
Do pal muskaakar murjhaya
yeh kaisa suman diwana hai



Leave a Reply